Google ADS

Erdoğan takon presidentin e sapozgjedhur të rajonit kurd të Irakut

08:09 | 22 Qershor 2019
Arbresh.info

Presidenti turk, Recep Tayyip Erdoğan, ka pritur në takim presidentin e sapozgjedhur të Qeverisë Rajonale Kurde (KRG) në Irak, Nechirvan Barzani, raporton Anadolu Agency (AA).

Takimi midis presidentit turk dhe presidentit të KRG-së u mbajt në Pallatin Dolmabahçe në brigjet evropiane të Bosforit në Stamboll. Të dy diskutuan për një orë e gjysmë një sërë çështjesh pas dyerve të mbyllura.

Më 28 maj, Barzani u zgjodh president i rajonit kurd të Irakut, ku më herët ai për dy mandate shërbeu si kryeministër.

Barzani mbërriti sot në Stamboll në vizitën e tij të parë jashtë vendit që nga inaugurimi më 10 qershor.

Shpërndaje në rrjete sociale

Lajmet më të lexuara

Të ngjashme

Foto lajm